1966 сыллаахха Киһи баһа учаастакка Лугиновтарга бастакы күүтүүлээх оҕонон күн сирин көрбүтэ.
Төрөппүттэрэ орто саастарыгар олохтон туораан, бииргэ төрөөбүттэригэр төрөппүттэрин солбуйбута. Бары бэйэ-бэйэлэригэр көстүбэт ситиминэн бааллан, биир сомоҕо буолаллар.
1983с. Кэбээйи орто оскуолатын бүтэрэр. «Оскуола – производство – үрдүк үөрэх» диэн ыҥырыынан сопхуоска ыанньыксытынан үлэлии тахсар.
1984с. үтүө-мааны майгылаах, Кэбээйи олохтоох ыччатыгар Егор Егорович Левиҥҥэ кэргэн тахсар.
1997с. “Ворошилов” бааһынай хаһаайыстыба тэринэллэр.
3 ынахтан, 7 ньирэйтэн саҕаламмыт хаһаайыстыба Аксиния Васильевна салалтатынан Кэбээйи улууһугар үлэтэ-хамнаһа биллэн-көстөн барбыта. Сотору кэминэн улууска лидердэр кэккэлэригэр тахсыбыта.
2014с. ТХМ иһинэн ыытыллар “Дьиэ кэргэнинэн ынах-сүөһүнү иитии” граҥҥа кыттан кыайыылаах тахсан, 100 ынах турар аныгы хотонун туттараллар.
2019с. ТХМ көмөтүнэн 120 ыанньык ынах турар хотонун үлэҕэ киллэрэллэр.

Күн бүгүн 380 сүөһү кыстаан турар, ол иһиттэн ыанар ынаҕа 200 төбө. 16 үлэһиттээх.

“Ворошилов”

учаастагы сөргүтүү

Ворошилов учаастага Кэбээйи бөһүөлэгиттэн 7 км тэйиччи сытар. Урукку өттүгэр «Киһи баһа» диэн ааттанара, манна хороҕор муостааҕы ииттэн бур-бур буруо таһааран олорбуттара.

Сэбиэскэй кэмҥэ учаастагы “Ворошилов” диэн ааттаабыттара. Манна “Кэбээйи” сопхуос ыанньыга уонна ньирэйэ турара. Онон ынах сүөһү хоро иитиллибит, туруу үлэһит дьон үлэлээн-хамсаан ааспыт үтүө-мааны сирэ-дойдута. Ол эрэн сопхуос ыһыллыбытын кэннэ, учаастак быраҕыллан, иччитэхсийэн турбута: ынах маҥыраабыт, атыыр оҕус мөҥүрээбэт, бостуук һайдаабыт, оҕо-аймах үөрүүтэ-көтүүтэ суох буолбута...

Аксиния Васильевна төрөөбүт сиригэр иккис тыыны киллэрэн, билигин Ворошиловка үлэ күөстүү оргуйар.